ތިމަރަފުށީ ކައުންސިލަކީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން އުފައްދާފައިވާ ޤާނޫނީ ޝަޚުސެކެވެ. މިކައުންސިލްގައި ރަށު ރައްޔިތުންގެ ވޯޓަކުން އިންތިޚާބުކޮށްފައިތިބި 5 ކައުންސިލަރުން ތިއްބަވައެވެ. އެއީ ކައުންސިލްގެ ރައީސް އިބްރާހީމް އިސްމާއީލް އާއި ނައިބް ރައީސް މުޙައްްމަދު އަފްލަހް އަދި މެންބަރު އަލީ ޝާހް، ފާތުމަތު ޝަބާ، އަދި މަރިޔަން އިނާސާ އެވެ. އަދި ކައުންސިލުން ނިންމާ ނިންމުންތައް ތަންފީޒުކުރުމަށްޓަކައި ސިވިލްސަރވިސްގެ މުވައްޒަފުން ހިމެނޭގޮތަށް ކައުންސިލްގެ އިދާރާއެއްވަނީ ގާއިމްކޮށްފައެވެ. މިއިދާރާގެ އިސް ވެރިއެއްގެ ގޮތުގައި ހުންނެވީ ވަގުތީ ސެކެޓްރީ ޖެނެރަލް ކައުންސިލް އެގްޒެކެޓިވް ޢަހްމަދު އިލްހާމެވެ.